குவைத் நாட்டில் அதிகாரப்பூர்வ வார விடுமுறை நாள் வரும் செப்டம்பர் மாதம் முதல் மாறுகிறது. இதுவரை வார விடுமுறை நாளாக ‘வியாழன் மற்றும் வெள்ளிக்கிழமை’ நாட்களாக இருந்து வந்தது. இது ‘வெள்ளி மற்றும் சனிக்கிழமை’ ஆக மாற்றப்படுவதாக குவைத் அரசு அறிவித்துள்ளது.
அராபிய மற்றும் வளை குடா நாடுகளில் வார விடு முறை நாளாக சனிக்கிழமை அறிவிக்கப்பட்டுள்ள நிலையில் மக்களின் விருப்பத்திற்கேற்ப இந்த மாற்றம் நடைமுறைக்கு வருகிறது என அமைச்சரவை விவகாரங்களை கவனிக்கும் குவைத் துணை பிரதமர் ஃபைசல் அல்ஹாஜி தெரிவித்துள்ளார்.
வார விடுமுறை நாளை அண்டை நாடுகளுடன் இணைப்பதால் பல்வேறு பிரச்சினைகளுக்கு தீர்வு ஏற்படும். குவைத்தின் வளர்ச்சிக்கும் உதவும் என்றார் அவர்.
வளைகுடா நாடுகள் தங்களுக்கிடையில் பரஸ்பர நல்லிணக்கத்துடன் செல்ல இதுபோன்று பல வி்ஷயங்களில் ஒன்று போல் இருக்க முனைவது கவனிக்கத்தக்கதாகும்.
உலக நிகழ்வுகள் 